LLWYBR NATUR YR HENDY

Gan Mark Johnston

LLWYBR NATUR YR HENDY

Amdanom ni

‘Rydym yn grŵp gweithgar o wirfoddolwyr sydd yn helpu creu llwybr natur cyffrous newydd o gwmpas perimedr yr hen gae Criced yn yr Hendy. Mae’r llwybr yn manteisio ar ein lleoliad godidog wrth ymyl Aber yr Afon Llwchr. Bydd y cynllun yn cynnwys llwybr sy’n hygyrch i bawb, gwelliannau i’r cynefinoedd a byrddau gwybodaeth yn sôn am y bywyd gwyllt lleol, yn ogystal â sgriniau adar. Mae’r prosiect yn anelu at bod o fudd i’r gymuned gyfan, ac i ddenu ymwelwyr i’r lleoliad pwysig hwn. Pan fydd y llwybr wedi’i orffen (Gwanwyn/Haf 2020), bydd mynediad am ddim i bawb.

Cyngor Cymuned Llanedi sy’n berchen ar y tir, ac yn cefnogi’r prosiect. Mae’r Cyngor Cymuned yn gallu cefnogi’r prosiect diolch i arian a dderbyniwyd oddiwrth Cynllun Cymunedau y Dreth Gwarediadau Tirlenwi, a weinir gan CGGC.

A oeddech chi’n gwybod?

  • Bod y safle yn cynnal 4 gwahanol gynefin, ac yn cynnwys ystod o goed egsotig o bod cwr o’r byd?
  • Bod rhai o’r adar sy’n ymweld â’r safle yn teithio yr holl ffordd o Affrica?
  • Bod aber yr afon yn cael ei gydnabod yn rhyngwadol am ei bwysigrwydd gwyddonol?

Ein lleoliad:

https://goo.gl/maps/fDcmZwYv9MqeUyMQ8

Beth ‘rydym yn gwneud:

Teithiau Cerdded a Sgyrsiau

Byddwn yn cynnal cyfres o deithiau cerdded tymhorol a sgyrsiau, gan ddechrau yn y Gwanwyn, 2020. Cewch ragor o wybodaeth yma, neu ar ein tudalen Facebook.

Cofnodi Rhywogaethau a Rheoli Cynefinoedd

Bydd ein tîm o Gofnodwyr yn monitro’r bywyd gwyllt a’r planhigion ar y safle, tra bydd ein parcmyn dibynadwy yn cadw’n brysur yn helpu cynnal a chadw’r llwybr, ac yn gwarchod cynefinoedd y safle. Byddwn yn cyhoeddi cofnodion rhywogaethau yn fisol yma (dolen i’w hychwanegu)

I weld rhestr o adar a gofnodwyd ar y safle hyd yma, cliciwch yma.

Parcmyn Iau

‘Rydym yn datblygu rhaglen Parcmyn Iau ar gyfer unrhyw un rhwng 6 ac 16 mlwydd oed.

Yn amrywio o helfeydd pryfed i deithiau ystlumod; o gelf dail i ddysgu sut y mae pethau’n tyfu; o sbotio ieir bach yr haf i wylio adar; bydd y rhaglen yn cynnwys gweithgareddau sy’n hwyl ac yn addysgol ac yn helpu plant ac ieuenctid i ymgysylltu â, deall a gofalu am eu hamgylchedd. Am ragor o wybodaeth, cysylltwch â ni – mae ein manylion cyswllt isod:

Addysg

Byddwn yn datblygu deunydd addysgol i’w ddefnyddio gan ysgolion. Bydd rhain yn cael eu lanlwytho i’r safle yn y man.

Gwybodaeth

  • Beth i chwilio amdano (i’w ychwanegu)
  • Cofnodion Rhywogaethau (i’w ychwanegu)
  • Adroddiad Ecoleg

Galeri

Lluniau trwy garedigrwydd Mike Harper a Ruth Taylor-Davies

Cefnogwch ni

‘Rydym bob amser yn croesawu gwirfoddolwyr newydd i’n helpu ni i ddatblygu’r prosiect.

Mae’r rolau  sydd ar gael i wirfoddolwyr yn cynnwys wardeniaid, tywyswyr, datblygwyr prosiect ac ymchwilwyr. ‘Rydym hefyd yn gobeithio cynnig profiad gwaith yng nghwmni unrhyw gontractwyr a fydd yn gwneud y gwaith corfforol. Os am wybod mwy, lawrlwythwch y dogfennau isod:

Os oes gennych amser yn sbâr ac am ein helpu, cysylltwch â Ruth Taylor-Davies, ein Swyddog Datblygu Cymunedol, ar 07862218066 neu ebostiwch llanedicdo@gmail.com os gwelwch yn dda